Pertge?

Nus rinforzain la branscha da musica.

En la branscha da musica svizra èn dunnas* signifitgantamain sutrepreschentadas. Entant che radund 50% en scolas da musica èn mattas, sa chattan sin tut ils nivels en il champ professiunal strusch dunnas. Per che quai sa mida, stuain nus tuttas surpigliar responsabladad. Mintg’individi. Mintg’organisaziun. Mintg’instituziun. Helvetiarockt inditgescha malcunvegnientschas, demussa alternativas e chatta communablamain cun tut ils/las participant*as soluziuns concretas. Nus pretendain la represchentaziun da la diversitad da nossa societad en tut ils champs e nus ans engaschain per ina branscha da musica viva e multifara.

Preschientscha da tribuna en il pop, rock e jazz: 11% dunnas*, 89% umens*.

Produktion 2% - Vorstudie Gender Pro Helvetia Geschlechtergerechtigkeit

Producziun da musica: 2% dunnas*, 98% umens*.

Lehrpersonen an Musikschulen 12% - Vorstudie Gender Pro Helvetia Geschlechtergerechtigkeit

Persunas d’instrucziun a scolas da musica svizras: 12% dunnas*, 88% umens*.

Ina survista sur da tendenzas e svilups actuals sco era retschertgas quantitativas e qualitativas èn indispensablas per elavurar propostas per soluziuns e recumandaziuns cleras. En divers studis (preliminars) èn gia intginas cifras ed intgins fatgs vegnids rimnads – qua vai directamain tar las lavurs da perscrutaziun. Tar il tema egualitad en il champ da cultura manca anc adina in studi naziunal che cumpiglia pliras spartas. Helvetiarockt è en discurs cun pliras actur*as, per realisar in studi naziunal e quai en tut las spartas. Fin là cumpilain nus sezzas statisticas. Ès era ti diligenta cun cifras? Nus essan ledas da chattar uschè bler sco pussaivel sur dals fatgs actuals – parta quels cun nus sut mail@helvetiarockt.ch.

Actual:

Vorstudie Geschlechterverhältnisse im Schweizer Kulturbetrieb, Pro Helvetia & Zentrum Gender Studies Universität Basel, 2021.

GENDER.MACHT.MUSIK. Geschlechtergerechtigkeit im Jazz, Deutsche Jazzunion, 2020.

Vorstudie «Frauenanteil in Basler Bands», Erhebung zur Geschlechtergerechtigkeit und zur Sichtbarkeit von Frauen in der Basler Popszene, RFV Basel – Popförderung und Musiknetzwerk der Region Basel, 2018.

Frauen in Kultur und Medien. Ein Überblick über aktuelle Tendenzen, Entwicklungen und Lösungsvorschläge, Schulz, Gabriele, Ries, Carolone, Zimmermann, Olaf, Berlin 2016.

Ti ed jau – nus agin!

 

  • Nus ans liberain da rollas da schlattainas.
    Giuditgain betg sur da qualificaziuns u interess d’in uman sin fundament da sia identitad da gender.

 

  • Nus prendain dunnas* en noss team. Nus percepin co che las ierarchias e structuras da pussanza funcziunan en noss champs da lavur, nua che tgi ha da dir tge e pertge e faschain attents ad inegualitads.

 

  • Nus contemplain betg. Sche nus vesain, ch’insatgi vegn tractà malgist, intervegnin nus. Nus creain spazis segirs, nua che tut*tas vegnan udidas.

 

  • Nus utilisain lingua inclusiva e tar nossa communicaziun visuala faschain nus attenziun ad ina visibilitad equilibrada d’identitads da gender, derivanza sociala ed etnia, vegliadetgna etc.

 

  • Nus reflectain agens cumportaments e musters. Nus ans barattain cun amitg*as e dumandain suenter, sche nus essan malsegiras tar in tema u in’acziun.

 

Lavuras ti per in festival u club? Telechargia qua noss Diversity Roadmap.

 

E qua vai tar noss 1×1 d’egualitad. 

 

Anc betg avunda? Legia dapli en nossa revista da pressa.

 

Feminissems

è ina tenuta persunala
ed in moviment politic, che pretenda ils medems dretgs e las medemas schanzas per tut ils umans.

 

Sexissem
Sexissem è la discriminaziun pervia da schlattaina e pervia da pregiudizis sexuals implitgads, che derivan d’in status social inegual da dunnas* ed umens*.

 

 

Schlattaina biologica
La schlattaina biologica è la chapientscha definida dad um* e dunna*. Sin basa da segns biologics distinctivs vegnan carstgauns assegnà tar la naschientscha ad ina schlattaina.

 

 

Gender
Cun gender vegn inditgà la schlattaina sociala. Quai manegia las rollas da la schlattaina da dunnas* ed umens*, ch’èn constituidas social- e culturalmain,
sco era il maletg da las caracteristicas femininas e masculinas.

 

 

Diversitad da gender
Cun la diversitad da gender vegn manifestà, ch’i dat dapli che mo duas schlattainas – pia la distincziun en dunnas* ed umens*.

 

 

Lingua inclusiva
Cun la lingua inclusiva cumpromettain nus ina ordinaziun ierarchica ed in’attribuziun stereotipa da las schlattainas e renconuschain, ch’i dat multifaras identitads da las schlattainas. I dat pliras pussaivladads da mussar quai. Il pli derasà en la lingua tudestga èn la stailetta* e la largia dal gender_. Per Helvetiarockt avain nus elegì per tudestg, englais e rumantsch la stailetta dal gender e per franzos e talian il ·x.

 

Stailetta dal gender

La stailetta dal gender vegn plazzada denter il tschep dal plaid e la finiziun feminina, pia musicist*as, artist*as u manad*ra da program. Uschia cumpigliain nus pliras identitads da las schlattainas. Cun la stailetta dal gender a la fin da noziuns sco dunna*, um* u musicista* e musicist* cumpromettain nus normas da la societad ed il sistem da duas schlattainas.

Servetschs & organisaziuns associadas